نحتاجوا مقدار كيلو من الشعرية الرقيقة الخاصة بالسفة انفوروها 3 مرات
في التفويرة الاولى ندهن الشعرية بالزيت و في الثانية ترش بالماء المملح و تترك لتشربه مدة 10 دقائق و في الثالثة ترش كذلك بالماء و نزيد عليها الزبيب المنقوع من قبل لما تنضج اندهنوها بالزبدة ثم نزيد عليها السكر كلاصي
ناخدوا طنجرة انعملوا فيها الزيت الرومية و الزبدة و مقدار 4 بصلات متوسطين و مشلضين نتركها حتى تتقلى ثم نزيد الدجاجة وزنها تقريبا كيلو و نصف مقطعة اطراف ثم الملح . ليبزار . سكينجبير . اعواد القرفة . الزعفران الحر و القصبور و المعدنوس و نترك الكل يتقلى ثم نزيد شوي ماء و نتركها لتنضج.
من بعد ناخذ لحم الدجاج نفصل العظم عن اللحم ثم نقطع اللحم قطع صغيرة
نترك البصل يتقلى الى ان تطلع الزيت ثم نزيد 8 بيضات و نتركه على النار حتى ينضج مع التحريك المستمر المهم مثل طريقة البسطيلة
انسلقوا اللوز وا نقشروه و نقليوه في الزيت ثم اانطحنوه امهرمش شوي و انخلطوا معه السكر كلاصي
ناخذ صحن التقديم انفرشوا طبقة الشعرية
ثم البصل مع البيض
ثم اللوز المهرمش مع السكر كلاصي
ثم الدجاج المقطع اطراف صغار
و اخيرا انخطيوها بالشعرية و انزينوها و انقدموها على هذا الشكل
بالصحة و الراحة
